ပညာသင်ဆု အစီအစဉ် သည် AEON 1% Club Foundation မှ ပေးအပ်သော နောင်လာမည့် အနာဂတ်၏ မျိုးဆက်သစ်ခေါင်းဆောင်များ ဖြစ်လာ နိုင်သည့် ထူးချွန်ထက်မြက်သော အာဆီယံ ကျောင်းသားကျောင်းသူ များအား ပညာသင်ဆုချီးမြှင့်သည့် အစီအစဉ် ဖြစ်သည်။ဤအစီအစဉ်အား စတင်တည်ထောင်သည့် အချိန်မှစ၍ အာဆီယံ ကျောင်းသား ကျောင်းသူ ပေါင်း ၂၃၉ ဦးအား ဂျပန်နိုင်ငံတွင် ထောက်ပံ့ပေးခဲ့ပြီး ဖြစ်သည်။ ထို့အပြင် ၂၀၁၃ ခုနှစ်မှစတင်၍ ရန်ကုန် စီးပွားရေးတက္ကသိုလ် နှင့် ရန်ကုန် နိုင်ငံခြားဘာသာတက္ကသိုလ်များတွင် ပညာသင်ကြားနေသော ထူးချွန် ထက်မြက်သည့် ကျောင်းသား၊ကျောင်းသူများ အတွက် ပညာသင်စရိတ် ထောက်ပံခြင်း များကိုလည်း ပြုလုပ် ပေးခဲ့ ပါသည်။