ယခုအခါ ချေးငွေဝန်ဆောင်မှုများနှင့် ပတ်သက်၍ ငွေကြေးလိမ်လည်တောင်းခံမှုများ ဖြစ်ပွားလျှက်ရှိပါသည်။ သို့ပါသောကြောင့် ပုံမှန်မဟုတ်သော ချေးငွေပြန်လည်ပေးသွင်းရန် တောင်းခံမှုများနှင့်ကြုံတွေ့လာပါက အောက်ပါအခြေအနေများကို သတိပြုရန်အကြံပြုတင်ပြအပ်ပါသည်။

၁) တစ်စုံတစ်ယောက်မှ ချေးငွေဝန်ဆောင်မှုပတ်သက်၍ ဆက်သွယ်လာပါက ချေးငွေလိုင်စင် ရှိ မရှိကို ဦးစွာမေးမြန်းပါ။ (ဥပမာ- လိုင်စင်အမှတ် xxx/xxxx ရက်စွဲ လ.ရက်.ခုနှစ်)

၂) မိမိ၏အချက်အလက်များ မှန်ကန်မှု ရှိ မရှိကို မေးခွန်းများမေးမြန်းခြင်းဖြင့် အတည်ပြုရမည်။ (ဥပမာ။ ချေးငွေပြန်လည်ပေးသွင်းရမည့် ပမာဏ၊ ချေးငွေပြန်လည်ပေးသွင်းရမည့်ကာလ၊ ချေးငွေပြန်လည်ပေးသွင်းရမည့်အကောင့်)။ မိမိ၏ အချက်အလက်များနှင့် ကိုက်ညီမှုမရှိပါက သက်ဆိုင်ရာချေးငွေဝန်ဆောင်မှု၏ Hotline သို့ဆက်သွယ် အကြောင်းကြား အတည်ပြုရမည်။

၃) ချေးငွေပြန်လည်ပေးသွင်းရာ၌လည်း သက်ဆိုင်ရာချေးငွေဝန်ဆောင်မှုအဖွဲ့အစည်းမှ သတ်မှတ်ထားသော တရားဝင်အကောင့်သို့သာ လိုအပ်သော အချက်အလက်များဖြည့်စွက်၍ ပြန်လည်ပေးသွင်းရမည်။ အကယ်၍ တရားဝင်သတ်မှတ်ထားသော တရားဝ်အကောင့်မဟုတ်ပဲ အခြားသော လူပုဂ္ဂိုလ်အကောင့်များသို့ ပေးသွင်းရန် တောင်းခံလာပါက သက်ဆိုင်ရာ ချေးငွေဝန်ဆောင်မှု၏ Hotline သို့ ဆက်သွယ်အကြောင်းကြား အတည်ပြုတိုင်ကြားရမည်။

၄) သက်ဆိုင်ရာချေးငွေဝန်ဆောင်မှုများမှ မဟုတ်ပဲ တစ်စုံတစ်ဦးမှ အယောင်ဆောင်၍ ချေးငွေလိမ်လည်တောင်းခံခြင်းများ ကြုံတွေ့ပါက သက်ဆိုင်ရာ ချေးငွေဝန်ဆောင်မှုသို့၎င်း၊ မိသားစုဝင်များ၊ မိတ်ဆွေ သူငယ်ချင်းများအား ထပ်မံဖြစ်ပွားမှု မရှိစေရန်နှင့် ရှောင်ရှားနိုင်ရန်အတွက် ထိုအကြောင်းအရာများကို မျှဝေအသိပေးရမည်။

၅) ယနေ့ခေတ်တွင် နည်းပညာတိုးတက်လာသည်နှင့်အမျှ မိမိ၏ အချက်အလက်များ သိရှိယုံဖြင့် မသမာသူများက လိမ်လည်မှု မျိုးမျိုးကို ပြုလုပ်နိုင်ပါသည်။ သို့ပါသောကြောင့် မိမိ၏ ကိုယ်ရေးကိုယ်တာအချက်အလက်များကို Facebook စာမျက်နှာ (သို့) အခြားဆိုရှယ်မီဒီယာများ၊ လူမှုကွန်ယက်စာမျက်နှာများပေါ်တွင် ဖော်ပြခြင်းများ မပြုလုပ်သင့်ပါကြောင်း။ (ဥပမာ။ အမည်၊ မှတ်ပုံတင်နံပါတ်၊ ဖုန်းနံပါတ်များ၊ အခြားသောအချက်အလက်များ)